Hendbollistët e Kosovës janë plotësisht gati për dy përballjet me Britaninë e Madhe në kuadër të fazës së parë kualifikuese për Botërorin 2027.
“Dardanët”, të dielën kanë nisur grumbullimin nën drejtimin e selektorit Jesper Ostlund, i cili pikërisht ndaj Britanisë së Madhe do të debutojë në krye të Kosovës.
Kosova, të hënën ka zhvilluar stërvitjet e fundit, para se të marrë rrugën drejt Britanisë së Madhe, të martën, ku edhe ka mbajtur një seancë stërvitore.
Ndeshjen e parë, Kosova e luan sot prej orës 18:00 në Derby të Anglisë, ndërsa atë të kthimit të dielën në Prishtinë nga ora 17:30.
Kombëtarja më e mirë pas këtyre dy ndeshjeve, avancon në raundin e dytë kualifikues, ndërsa selektori i Kosovës, Ostlund, i cili beson se “Dardanët” kanë një rast të mirë për të avancuar tutje.
Ai ka vlerësuar Britaninë e Madhe dhe duelet i kanë quajtur sfiduese, duke shtuar se ka besim të madh tek hendbollistët e tij.
