Vetëm tre ditë para super sfidës me Real Madridin, Barcelona përballet me një tjetër shqetësim të madh.
Pas mungesës së Andreas Christensen në ndeshjen e Champions League ndaj Olympiacosit për shkak të një gastroenteriti, e njëjta situatë ka prekur edhe Frenkie de Jong.
Mesfushori holandez nuk mori pjesë në seancën stërvitore të mëngjesit, duke u bërë menjëherë dyshimi kryesor për përballjen e së dielës në “Santiago Bernabéu
Stafi mjekësor i Barcelonës po monitoron nga afër gjendjen e tij dhe shpreson ta rikuperojë në momentet e fundit, por vendimi përfundimtar do të merret vetëm pas vlerësimit të gjendjes së tij në orët në vijim.
Edhe Christensen vijon të qëndrojë jashtë fushave për të njëjtin problem, duke rritur shqetësimin e trajnerit Hansi Flick, i cili e kishte De Jong si një piketë kyçe në mesfushë, në krah të Pedrit dhe Fermin Lopez.
Megjithatë, jo çdo lajm është negativ për katalanasit. Raphinha po i afrohet plotësisht rikuperimit dhe pritet të marrë lejen mjekësore të shtunën, ndërsa Ferran Torres është rival i plotë për një vend titullari, pasi është rikthyer në 100% të formës.
Në anën tjetër, Robert Lewandowski, Joan García, Gavi, Dani Olmo dhe Marc-André ter Stegen do të mungojnë sërish dhe do ta ndjekin “El Clásico”-n nga shtëpia.
