Te kampionia e Kosovës në futboll, Drita, ka optimizëm të madh për duelin e radhës në garat e UEFA-s.
Në fakt, te Drita presin fitore ndaj Omonias në kuadër të Ligës së Konferencës, ndeshje kjo që i takon xhiros së dytë të fazës së ligës.
Dueli mes Dritës dhe Omonias, luhet në stadiumin “Fadil Vokrri” n Prishtinë nga ora 18:45 dhe ekipi nga Gjilani pret përkrahje të madhe.
Drita e nisi rrugëtimin historik në Ligën e Konferencës me barazim 1:1 kundër skuadrës finlandeze, KuPS.
Drita është në seri pozitive, pasi ka edhe tri fitore rresht në Superligë kurse trajneri Zekirija Ramadani pret fitore edhe ndaj Omonias.
Ramadani ka insistuar se Drita do të jap gjithçka nga vetja për të mos pësuar nga qipriotët në Prishtinë.
Ndërkohë, edhe mbrojtësi Jorgo Pëllumbi ka insistuar se Drita do të futet për fitore ndaj Omonias pasi pika e fituar në Finlandë i ka motivuar për rezultate tjera pozitive në Ligën e Konferencës.
Për dallim prej Dritës që mori një pikë në xhiron e parë, Omonia pësoi 1:0 nga skuadra e Mainzit.
