Presidenti ukrainas dhe liderët evropianë të dielën akuzuan presidentin rus, Vladimir Putin se po “vjedh” kohë përmes përpjekjeve diplomatike për t’i dhënë luftës në Ukrainë.
Ata kanë refuzuar çdo përpjekje për të detyruar Kievin të heq dorë nga territoret e pushtuara nga Rusia në këmbim të paqes, siç kishte sygjeruar më parë presidenti amerikan, Donald Trump.
Tetë liderë evropianë, si dhe zyrtarë të lartë të Bashkimit Evropian kanë thënë në një deklaratë të përbashkët se kanë ndërmend të përdorin miliarda dollarë të ngrirë të aseteve të Moskës sipas planit, për t’i ndihmuar Kievit të fitojë luftën, përkundër disa dyshimeve në lidhje me ligjshmërinë dhe pasojat e një hapi të tillë.
Deklarata shprehu mbështetje për përpjekjet e Trump për paqe në Ukrainë, ndërsa ai përgatitet të takohet me Putinin në Budapest të Hungarisë në javët e ardhshme, shkruan AP.
Nuk është caktuar ende një datë për samitin e Budapestit dhe zëdhënësi i Kremlinit, Dmitry Peskov, tregoi të martën se nuk kishte ndjenjë urgjence. “Nevojitet përgatitje, përgatitje serioze”, u tha ai gazetarëve.
