Pas disfatës që e pësoi xhiron e kaluar nga Manchester Unitedi, Sunderlandi ka reaguar të shtunën duke u kthyer te fitorja në Premier League.
Sunderlandi fitoi 2:0 në shtëpi ndaj Wolverhamptonit në kuadër të javës së tetë të kampionatit anglez.
Te Sunderlandi luan mesfushori shqiptar, Granit Xhaka, që është edhe kapiten i skuadrës. Ai e kompletoi ndeshjen dhe ishte prej më të mirëve në fushë.
Golin e parë për vendësit e realizoi Nordi Mukiele në minutën e 16-të.
Ladislav Krejci shënoi autogol në minutën e 92-të për 2:0.
Për Sunderlandin ishte fitorja e katërt këtë edicion. Ka edhe dy barazime dhe dy humbje. Renditet në pozitën e shtatë me 14 pikë.
Wolverhamptoni mbetet në vendin e fundit me vetëm dy pikë.
