Bayern Munchen – Borussia Dortmund është derbi më i madh i Bundesligës gjermane.
“Klassiker” i parë i këtij edicioni luhet të shtunën nga ora 18:30. Kjo ndeshje do t’i takojë xhiros së shtatë të elitës gjermane.
Bayerni dhe Dortmundi janë skuadrat e vetme që nuk kanë pësuar ende disfatë këtë edicion. Bayerni ka fituar gjashtë ndeshjet e luajtura deri më tani.
Është hera e parë që Bayerni ka fituar gjashtë ndeshjet e para të Bundesligës që nga edicioni 2015/16.
Bayerni është lider me 18 pikë, kurse Dortmundi është në pozitën e dytë me katër pikë më pak.
Bayerni ka shënuar 19 gola në pesë ndeshjet e fundit. Dortmundi ka realizuar 12 gola.
Dy ndeshjet e fundit mes gjigantëve gjermanë kanë përfunduar baras.
Bayerni dhe Dortmundi do të përballen për herën e 138-të.
Bayerni prinë me 69 fitore. Dortmundi ka 35 fitore, kurse 33 ndeshje nuk dhanë fitues.
Të shtunën luan edhe nënkampioni, Bayer Leverkuseni.
Leverkuseni nga ora 15:30 takohet në udhëtim me Mainzin. Leverkuseni ka 11 pikë në pozitën e pestë kurse Mainzi e zë vendin e 16-të me katër pikë.
