Forca e Sigurisë së Kosovës (FSK) ka dalë me një sqarim lidhur me hyrjen e disa automjeteve të saj në pjesën veriore të Mitrovicës, duke theksuar se kjo ka ndodhur për shkak të një gabimi në drejtimin e lëvizjes.
Në një komunikatë për media, FSK-ja njofton se automjetet janë nisur nga Istogu drejt kazermës së tyre në Mitrovicë, por gjatë rrugës pjesëtarët kanë ngatërruar drejtimin e lëvizjes.
“Forca e Sigurisë së Kosovës njofton publikun që sot, më datë 16.10.2025, në ora 10:30, gjatë lëvizjes së konvojit të FSK-së nga Istogu për në kazermën e FSK-së në Mitrovicë, pjesëtarët e FSK-së me automjete e kanë ngatërruar drejtimin e lëvizjes,” thuhet në njoftimin për media.
