Nënkryetarja e Komunës së Prishtinës, Besianë Musmurati, ka folur lidhur me situatën me mbeturinat në kryeqytet.
Për këtë situatë, ajo ka fajësuar edhe ministrin e Financave, Hekuran Murati, pasi, sipas saj, tash e 18 muaj nuk është nënshkruar projekti me Bankën Gjermane për menaxhimin e mbeturinave.
Në një konferencë për media, ajo deklaroi se mbyllja e deponisë së mbeturinave nuk është problem i ri, ndërsa shtoi se kamionët e kompanisë “Pastrimi” nuk kanë ku t’i zbrazin mbeturinat.
“Kamionët e kompanisë së pastrimit, të cilët grumbullojnë mbeturina gjatë gjithë natës, nuk mund t’i zbrazin kamionët askund. Kjo shkakton vonesa të mëdha dhe ndikon drejtpërdrejt në defunksionalizimin e ndërrimit të natës. Problemi i mbylljes së deponisë, fatkeqësisht, nuk është problem i ri për ne, ka vite me radhë…”, deklaroi Musmurati.
