Dy shtetas të Kosovës janë vënë nën hetim pasi tentuan të futnin në Republikën e Shqipërisë, pa i deklaruar, 27 mijë e 550 euro.
Sipas njoftimit, njëri prej tyre është 51 vjeç, shtetas i Kosovës me vendbanim në Suedi, në posedim të të cilit u gjetën 12 mijë e 550 euro, ndërsa tjetri është 44 vjeç nga Suhareka dhe kishte me vete 15 mijë euro.
Shuma e parave është sekuestruar në cilësinë e provës materiale, ndërsa ndaj të dyve janë nisur procedurat hetimore.
Materialet i janë referuar Prokurorisë pranë Gjykatës së Shkallës së Parë të Juridiksionit të Përgjithshëm në Kukës për veprime të mëtejshme.
