Këto deklarata ai i ka bërë gjatë nisjes së samitit “Ballkani i Hapur” që po mbahet të mërkurën në Ohër, shkruan teve1.info.
“Çdo herë dëshiroj që në esencë me thelbin e saj t’i përparojmë marrëdhnëniet tona prandaj është me rëndësi të them se formojmë grupe punuese menjëherë apo në takimin e ardhshëm për të cilin propozoj të jetë në Serbinë jugore diku. Para samitit të madh që kemi dhe manifestimit të panaireve në fund të verës në Beograd që të dakordohemi të formojmë grupe punuese që përkujdesen si t’i tejkalojmë vështirësitë e funrizmit me ushqim në fushën e energjetikës në bashkarisht si t’i ndihmojmë njëri tjetrit të mbijetojmë dimrin”, tha ai.
Madje, Vuçiq u ka bërë thirrje që pjesë e këtyre grupeve punuese të jenë edhe përfaqësues nga Kosova, Mali i Zi dhe Bosnje e Hercegovina – të cilat aktualisht janë jashtë kësaj nisme.
“Sepse mendoj se është interes kryesor për të gjithë qytetarët e vendeve tona por jo vetëm por edhe të rajonit janë të mirëseardhur në këto marrëveshje dhe nëse dëshirojnë të marrin pjesë edhe përfaqësuesit e Bosnjës, Prishtinës, Malit të Zi e kështu me radhë”, shtoi ai.
Ndryshe, të mërkurën liderët pritet të nënshkruajnë katër marrëveshje bashkëpunimi – për luftën kundër evazionit fiskal, për njohjen e diplomave të arsimit të lartë, për bashkëpunim kulturor dhe për bashkëpunim në fushën e turizmit./teve1.info/
