Është sheshi që mban emrin e kryeheroit në Tiranë.
E pasditen e 17 tetorit, do të jetë nikoqire e shqiptarëve nga e gjithë bota.
Kjo meqë Organizata e Veteranëve të Luftës në Prishtinë, ka thirrur edhe një protestë, në mbështetje të ish-krerëve të UCK-së, që ndodhën në paraburgim në Hagë.
Sipas OVL-UCK-së, vetëm nga Kosova, do të udhëtojnë mijëra mbështetës.
“Mendoj se numri i qytetarëve do të jetë bukur i madh që vetëm nga Kosova i kemi mbi 60 autobusë të konfirmuar nga shoqatat nga tri shoqatat që ne jemi duke organizuar duke falënderuar kryetarët e komunave që na kanë mundësuar transportin”, është shprehur Gucati.
Gucati shtoi se pjesëmarrjen në këtë protestë, e ka konfirmuar edhe vet kryeministri shqiptar, Edi Rama.
“Në Kosovë kanë dal në mbështetje shumica e partive politike, PDK, AAK dhe kryetari i Prishtinës Përparim Rama…. Ne kemi mbështetje të madhe nga qytetarët, sidomos nga qytetarët e Kosovës, Shqipërisë, Maqedonisë, Preshevë dhe Bujanoc…. E kemi të konfirmuar që kryeministri, Edi Rama do të merr në protestë, jemi duke prit sot ose nesër na lajmëron edhe për fjalim. Nuk besoj që do të refuzoj fjalimin të paktën krejt varet nga agjenda e tij”, është shprehur tutje Gucati.
E nga Tirana, thonë se gjithçka është gati për protestën e 17 tetorit.
“Me datën 17 tetor, ora 17:00 në sheshin “Gjergj Kastrioti – Skënderbeu” në Tiranë, do të mbahet protesta më e madhe në historinë tonë kombëtare. E Them kështu sepse mbështetja deri me tani është masive nga të gjitha trojet tona shqiptare”, ka thënë Haklaj.
Haklaj ka zbuluar edhe sloganet që do të përdorën në këtë protestë.
“Mesazhet që do të përdorën në protestë, janë: Edhe unë jam UCK! Një komb UCK! Jo padrejtësi në emrin Tim! Liria ka emër, UCK! 2:40 Dhjetëra mijëra vetë do të vijnë nga Kosova, Dardania antike, dhjetëra mijëra vetë do të vijnë nga Maqedonia e Veriut, po ashtu nga Mali i Zi, Presheva dhe diaspora. Pra, lajmet nga terreni tregojnë që do të jetë një protestë madhështore. Që më në fund, shqiptarët do të formojnë një besëlidhje të re”, ka theksur Haklaj.
Kjo protestë në mbështetje të ish-krerëve të UCK-së që po mbahen në paraburgim në Hagë, do të jetë e treta, pas asaj në Prishtinë dhe Hagë.
