Kryetari aktual i Komunës së Prishtinës, Përparim Rama, ka marrë pjesë sot në procesin e votimit, duke hedhur votën e tij në Fakultetin Filozofik.
Rama i cili kandidon për mandatin e dytë në krye të Prishtinës ka uruar që në këto zgjedhje të fitojë kryeqyteti.
“Uroj që sot të fitojë kryeqyteti, të fitojë zhvillimi i vendit tonë, të fitojë një bashkëpunim i mirësjellë nga të gjithë, një unifikim, një zgjidhje e përbashkët për të ardhmen tonë, për të ardhmen e fëmijëve tanë”, është shprehur Rama në një prononcim për media pasi ka votuar.
