Kandidati i Lëvizjes Vetëvendosje për kryetar të Mitrovicës së Jugut, Faton Peci ka thënë se qeverisja katër vjeçare në këtë komunë është me dështuara nga të gjitha komunat në këtë periudhë.
Ai ka thënë se kryetari aktual, Bendri Hamza, por edhe nënkryetari Arian Tahiri i cili është kandidat për kryetar nga radhët e PDK-së, kanë qenë dështak.
Në një intervistë në emisionin “Këndi i Debatit” në Tëvë1 ai ka thënë në këtë komunë nuk është realizuar asnjë projekt.
“Qeverisje lokale më dështake që ka ndodhur në histori të Kosovës që ka ndodhur nga viti 2021 deri më 2025. Merrni krejt premtimet e krejt kandidatëve që janë zgjedhur kryetar, më dështak se Bedri Hamza dhe ky pasardhësi i tij që po pretendon me instalua. Dy bashkë. Nuk ka asnjë projekt që ka realizuar”,ka thënë Peci.
Sipas tij, kryetari aktual, Bedri Hamza ka sabotuar punën dhe kryetari faktik ka qenë Arian Tahiri.
