Rrëzimi i një lisi në kryeqytet u bë shkaktar për vdekjen e një-30 vjeçari e për lëndimin e një gruaje të moshës së njëjtë në rrugën “Vasko Pasha” në lagjen Pejton të Prishtinës.
Të hënën të dy ishin duke kaluar këndej kur lisi u rrëzua mbi ta.
E ndihma e parë ju ofrua nga kalimtarët e rastit.
Por me të dal në vendin e ngjarjes ndihma emergjente konstatoj vdekjen e 30-vjeçarit ndërkohë që dërgoi për trajtim urgjent gruan e moshës 30-vjeçare.
Policia ka nisur hetimet për zbardhjen e rrethanave.
“Rreth orës 15:15 është pranuar informata se një lis është rrezuar dhe ka zënë dy persona. Policia menjëherë ka dalë në vendin e ngjarjes dhe nga informatat e para janë ngritur dyshimet se njëri nga të lënduarit mashkull, rreth 30 vjeç ka humbur jetën përderisa e lënduara tjetër femër po ashtu rreth 30 vjeç është dërguar në QKUK për trajtimin e nevojshëm mjekësor. Aktualisht policia ka nisur ndërmarrjen e veprimeve hetimore me synim sqarimin e rrethanave që karakterizojnë ngjarjen”, thuhet në njoftimin e Policisë.
Ndërsa gjendja e të lënduarës është jashtë rrezikut për jetë.
Në kryeqytet gjatë së hënës u rrëzua edhe një lis tjetër, përballë muzeut. Por fatmirësisht në këtë rast nuk kishte lëndime të njerëzve.
Raporti i gazetares Valëza Sylejmani.
