Me veshje ushtrie e flamuj të UCK-së, u mblodhën para Kuvendit të Kosovës.
Në këtë formë, qindra veteranë të organizatave të dala nga lufta, protestuan të hënën.
Krejt kjo për ta kundërshtuar mos-përfshirjen e tyre në ligjin për pagën minimale.
Ndonëse filloi qetë, nuk vazhdoi e tillë.
Për këtë, u desh edhe intervenimi i Policisë së Kosovës.
Por, protestuesit e pakënaqur nuk u ndalën me kaq.
Ata tentuan që të hyjnë edhe brenda objektit të Kuvendit, ku po zhvillohej seance e që në rend dite ishte votimi i projektligjit për pagën minimale
Kjo gjendje e krijuar, në vendngjarje solli edhe Njësinë Speciale të Policisë, të cilët formuan barrikadën e cila ua pamundësoi protestuesve të futen brenda objektit të kuvendit.
Megjithatë, as kjo nuk zmbrapsi veteranët.
Policia e Kosovës përdori edhe sprej për t’i larguar protestuesit.
Këta të fundit, e pësuan nga kjo përplasje me policinë. Madje njërit nga ta, i humbi edhe vetëdija. Por që më pas u ndihmua, nga vet policët.
Gjatë kësaj proteste para Kuvendit të Kosovës, nuk u kursyen as mediat.
Para protestuesve, doli deputeti i PDK-së Hisen Berisha.
Pas tij doli edhe shefi i grupit parlamentar të PDK-së, Abelard Tahiri dhe disa deputetë të tjerë nga ky subjekt.
Pjesëmarrës në proteste ishte edhe kreu i PSD-së Dardan Molliqaj, i cili projektligjin për pagën minimale e ka quajtur të qëllimshëm.
Shpërndarja e protestuesve u bë pasi në Kuvendin e Kosovës, nuk kaloi projektligji për pagën minimale. Por paraprakisht ata pastruan vendin ku u zhvillua protesta.
Ndërsa Policia e Kosovës, përmes një njoftoimi mohoi të ketë përdorur gaz lotsjellës teksa u konfirmua se dy zyrtarë policorë u lënduan gjatë kësaj proteste.
Raporti i gazetares Albiona Hajdari.
