Hajdari në emisioni Ditari në Tëvë1 tha se përgjegjësinë për eskalimin e mundshëm të protestave do ta ketë pushteti.
“Ne asnjë hap nuk do t’i lejojmë, me aq fuqi sa kemi do të protestojmë. Besa besa, ka mundësi që protesta të jetë edhe më radilakle se mund të ketë edhe bllokada të rrugëve… Kanë me u ballafaqu me veteranë. Protesta mundet me eskalu dhe përgjegjësinë le ta mbajnë ata, e jo ne. Mundet me pasë bllokoda të rrugëve, se me thy larg asaj. Por kemi forma të ndryshme… Përveç bllokimit të rrugëve mundet me eskalu protesta si sot, ballafaqohen me, kurrkush nuk e do, por nganjëherë të imponohen senet. Munden me tentu, Zoti na ruajt edhe me hy në Parlament, pse jo. Parlament i joni është. Jo me thy jo me e lindu dikënd por me hynë parlament. 100 opsione i kemi ”, është shprehur ai.
Hajdari më tej ka thënë se nuk do të ndalen deri në plotësimin e kërkesës së tyre për përfshirjen e kategorive të dala nga lufta në projektligjin për pagën minimale. Ndërsa, i pyetur nëse mund të ketë protestë në seancën e radhës kur do të jetë në shqyrtim ky projektligj, ai tha se beson që do të ketë.
“Besoj që po. Nuk do të ndalemi. Nuk do të ndalemi sepse po e shohim që nuk e kanë seriozisht për këto kategoritë e luftës, kush nuk është kah e kthen kryet. Kush nuk është kah e çan hallin e veteranit. Fundi i fundit e kanë obligim bre. Nëse jo ligjor, e kanë obligim moral . Ata dëshmorë për kë ranë, ata njerëz që i lan gjymtyrët e tyre në luftë për kënd e bënë. Për këtë shtet, për këtë vend dhe që të kemi institucione dhe njerëz që na përfaqësojnë”, ka shtuar Hajdari.
Në fund, ai e pati një kërkesë për deputetët.
“A e bëjnë mend këta deputetë të nderuar, secili i ka nga dy mijë euro pagë, anëtarët e familjes shyqyr Zot që nuk u mungon asnjë… por le ta kthejnë mendjen nganjëherë ta zëmë në Drenas është masakra e Pokleku që është masakra më e madhe në nivel Kosove, kemi masakrën e Obrisë. I mungojnë 11 anëtarë të familjes. Dikujt i mungojnë 30 anëtarë të familjes. Të paktën le ta kthejnë kryet për një moment”, ka përfunduar Hajdari në Tëvë1. /teve1.info/
