Madje, Ahmeti tha se edhe reagimi i Qeverisë përmes shefes së Grupit Parlamentar të Vetëvendosjes, Mimoza Kusari –Lilajt ishte tejet i dobët.
“E pamë që bënin thirrje që të ruhen institucionet, që të kenë kujdes. Në ndërkohë neve secilit na kujtohet Vetëvendosja në opozitë, nuk ka pas respekt për institucionet, nuk ka pas respekt për objektet si institucion”, është shprehu Ahmeti.
Ai me tej tha se protesta ishte relativisht e qetë dhe se përdorimi i sprejit nga policët ishte i panevojshëm.
“Protesta ishte relativisht e qetë. Reagimi i Policisë ishte krejt i panevojshëm. Nëse e sheh momentin kur hidhet spreji lotsjellës drejt protestuesve kanë qenë shumë më pak protestues që ofrohet te policia, ofrohen te objekti i parlamentit sesa që ka pasur policë. Pra ka pasure shumë më shumë policë sesa protestues dhe ka qenë krejt e panevojshme me hedhë sprejin në drejtim të tyre. E pamë që shumë prej tyre kanë qenë në moshë të shtyrë”, deklaroi Ahmeti, në emisionin Ditari në Tëvë1.
Ai gjithashtu tha se në vendet demokratike, në protesta ka gjithmonë shumë më shumë policë të lënduar sesa protestues, pasi sipas tij, kjo është një prej metodave përmes së cilave shprehet pakënaqësia ndaj vendimeve që po merren në Qeveri ose Kuvend.
Sot veteranët e luftës protestuan para Kuvendit të Kosovës pasi kategoritë e dala nga lufta nuk janë përfshirë në projektligjin për pagën minimale. /teve1.info/
