Artan Alijaj analist politik duke komentuar deklaratat e ambasadës amerikane që kërkon hapa konkret nga qeveria në detyrë për rifillimin e bashkëpunimit pas pezullimit të dialogut strategjik, ka përmendur si dy veprime të para që duhet bërë Qeveria e Kosovës.
Ai ka thënë se para është respektimi dhe zbatimi i çdo vendimi nga Gjykata Kushtetuese lidhur me çështjen e nënkryetarit të Kuvendit nga komuniteti serb.
Si hap të dytë ai ka thënë se duhet të ketë kujdes me veprimet në veri dhe lokalitete tjera serbe që të mos ketë tensione.
“Hapi i parë dhe më i rëndësishme është që të ketë pranim të çfarë do vendimi të Gjykatës Kushtetuese sa i përket rastit të Listës Serbë dhe të implementohet pa asnjë pengesë. Mendoj që ky do të ishte hapi i parë që do të tregonte një maturi qoftë të z.Kurti dhe shtetit tonë. Duhet të ketë më shumë kujdes sa i përket veprimeve në veri dhe lokalitetet tjera të komuniteti serb. Ajo çka po kërkohet është që të mos krijomë tension”, ka thënë Alijaj në emisionin “InfoNata” në Tëvë1.
Ai ka vlerësuar se raporet e ShBA-së janë dëmtuar me qeverinë aktuale, duke thënë se kjo nuk ka të bëjë me shtetin e Kosovës.
Alijaj ka vlerësuar se Kurti ka qenë i papërshtatshëm për partnerët, Bashkimin Evropianë dhe Shtetet e Bashkuara të Amerikës
