Kryetari aktual i Prizrenit dhe kandidat edhe për një mandat nga radhët e PDK-së, Shaqir Totaj ka premtuar transport urban falas për pensionistët.
Ndër premtimet që ka dhënë ai për këtë kategori kanë qenë edhe barna esenciale pa pagesë.
“Në takimin me pensionistët u zotova për transport urban pa pagesë, lehtësime në shërbime shëndetësore, barna esenciale pa pagesë dhe mjekun kujdestar në ordinancën e shoqatës së tyre! Kujdesi ndaj më të moshuarve dhe pensionistëve të Prizrenit, si shtyllat e shoqërisë sonë, që kanë dhënë kontribut të madh ndër vite, janë prioritet i yni i veçantë në mandatin e dytë 2025-2029”, ka shkruar Totaj.
