Plot shtatë ndeshje do të luhen të shtunën në Premier League, kurse dy të dielën.
Xhiroja mbyllet të hënën.
Kampioni në fuqi i Anglisë, Liverpooli, të shtunën nga ora 16:00 luan në udhëtim te Crystal Palace.
Liverpooli është skuadra e vetme që ka fituar pesë ndeshjet e deritashme. I prin tabelës me 15 pikë.
Edhe Crystal Palace nuk qëndron keq me rezultate. Nuk di për humbje, kurse ka dy fitore dhe tri barazime. E zë vendin e pestë me nëntë pikë.
Është hera e parë për Crsystal Palacen që nuk ka pësuar disfatë në kampionat në pesë ndeshjet e para, që nga edicioni 1990/91.
Mes dy skuadrave janë zhvilluar 64 ndeshje.
Liverpooli prin me 35 fitore, Crystal Palace i ka 16 dhe 13 herë ndeshja ka përfunduar baras.
Në bazë të formës së skuadrave, kjo mund të jetë ndeshja kryesore në fundjavë.
Nga ora 16:00 të shtunën luajnë edhe Chelsea me Brightonin dhe Manchester City me Burnleyn.
Xhiroja e gjashtë fillon me ndeshjen që fillon nga ora 13:30 dhe vë përballë Brentfordin dhe Manchester Unitedin.
Brentfordi ka katër pikë në vendin e 17-të, kurse Unitedi ka tri pikë më shumë dhe është gjashtë pozita më lart.
Një tjetër ndeshje interesante është ajo në mes Newcastle Unitedit dhe Arsenalit, që luhet të dielën nga ora 17:30.
