Ka gjithnjë e më shumë sinjale se Bayern Muncheni dëshiron të zgjasë kontratën e yllit në ngritje, Michael Olise, e cila tashmë është e vlefshme deri në vitin 2029. Po cili është statusi aktual i kësaj çështjeje? Sipas “Sport Bild”, bisedimet mes palëve për një zgjatje të bashkëpunimit mund të zhvillohen para përfundimit të këtij sezoni.
Megjithatë, deri më tani, raportohet se nuk ka pasur kontakte me lojtarin lidhur me këtë temë. Disa javë më parë, portali anglez raportoi gjithashtu se Bayerni i Mynihut synon të nisë së shpejti negociatat me menaxhmentin e Olise për një zgjatje kontrate.
Raporti theksonte se shpresohet të arrihet një marrëveshje në muajt e ardhshëm. Një rritje e konsiderueshme e pagës pritet të jetë gjithashtu një mënyrë për ta bindur Olise të firmosë. “Olise po arrin një nivel tjetër tani. Ai ka bërë një hap gjigant përpara që nga bashkimi me Bajernin. Do të duhej shumë para për ta marrë atë. Nuk e shoh që të jetë i disponueshëm verën e ardhshme, por kurrë mos thuaj kurrë,” shpjegoi reporteri.
Problemi nga këndvështrimi i Bayernit: shumë klube të mëdha ndërkombëtare e kanë prej kohësh Olise në listat e tyre të dëshirave. Te Liverpooli, ai përmendet si një pasues i mundshëm i superyllit Mo Salah. Chelsea, PSG dhe Barcelona gjithashtu raportohet se kanë hedhur sytë mbi 23- vjeçarin francez. Së fundmi, një tarifë transferimi prej 100 milionë eurosh do të ishte e nevojshme për të nënshkruar me Olise.
