Të hënën në ora 07:30 të mëngjesit fillon puna me orar të ri në dy sektorë në Komunën e Prishtinës.
Për sektorin e Gjendjes Civile dhe Qendra për Shërbim me Qytetarë ky vendim do të jetë në dobi të qytetarëve.
Drejtori i Administratës në Komunën e Prishtinës, Bersant Beka tregon qëllimin kryesor të këtij vendimi.
“Është Sektori i Gjendjes Civile dhe Qendra për Shërbim me Qytetarë…. Qëllimi i këtij vendimi është të fillojë nga ora 07:30 e të largojmë turmat në mëngjes…’’, tha ai.
E njëra ndër arsyet e këtij vendimi është dhe ardhja e mërgimtarëve.
“Njëra ndër arsyet është dhe ardhja e mërgimtarëve të ofrojmë shërbime sa më të mira…’’, shtoi Beka.
Qytetarët shprehen të kënaqur me shërbimet që po ofrohen këtu në Komunën e Prishtinës.
Zakonisht ardhja e mërgimtarëve shton fluksin nëpër komunat e vendit, andaj edhe këtë vit qeverisja komunale do të zgjatë orarin e punës.
Raporti i gazetares Lendrina Kodrolli.
