U dërguan në Hagë pa pasur një aktakuzë të ngritur.
Dyshja e OVL të UÇK-së, Hysni Gucati e Nasim Haradinaj, pas disa muajsh qëndrimi në paraburgim u përballën me akuza për pengim të drejtësisë, për të cilat më pas u shpallën edhe fajtorë.
Krejt kjo erdhi, pasi Gucati e Haradinaj publikuan disa dosje që u shkuan në zyre.
Dokumentet në fjalë, rezultuan të jenë të Zyrës së Prokurorit të Specializuar, e cila ka konfirmuar se janë duke zhvilluar hetime për rrjedhjen dhe vjedhjen e tyre.
“Prokurori i Specializuar edhe në gjykimin e Haradinaj dhe Gucatit, foli për një “hetim të veçantë, të vazhdueshëm dhe konfidencial” për vjedhjet e dokumenteve që ju i referoheni. Ky hetim mbetet konfidencial”, tha Christopher Bennett, zëdhënës i ZPS-së.
Kësisoj ky organ kishte deklaruar se të gjithë ata që ndërhyjnë në dëshmitarë, hakmerren ose pengojnë punën e tyre do të akuzohen.
E si pozitive këtë hap e konsideron, avokati, Skender Musa.
Gjatë dhënies së verdiktit, trupi gjykues kishte konfirmuar se njëra prej dosjeve të dokumenteve kishte prejardhjen nga Serbia.
Raporti i gazetares Florijeta Dernjani.
