Sulmuesi anglez i Manchester Cityt, Phil Foden është prekur nga koronavirusi.
Në testimet e fundit të bëra në kampin e Kombëtares së Anglisë, Foden ka rezultuar pozitiv me COVID-19, shkruan GazetaBlic Sport.
Anglezi ishte ftuar me kombëtaren e tij për ndeshjet e qershorit, por u detyrua të largohet ende pa luajtur, për shkak të infektimit me virus.
Lajmin e ka konfirmuar edhe trajneri, Southgate.
“Phil Foden rezultoi pozitiv me Covid kështu ai u detyrua të largohet”, tha trajneri i Anglisë.
“Shpresoj që ai të rikthehet për ndeshjen ndaj Gjermanisë. Do të varet nga simptomat e tij”,përfundoi ai
Kombëtarja angleze nesër përballet me Hungarinë.