Deputeti i PDK-së, Abelard Tahiri ka reaguar pas vendimit të ShBA-së për pezullimin e dialogut strategjik me Kosovën.
Tahiri këtë vendim e ka quajtur goditës për Republikën e Kosovës, duke theksuar se sot Kurti i ka shkaktuar vendit plagën më të madhe.
Tutje, ai ka thënë se si PDK do të angazhohet që vendit t’i jap një qeveri që do ta nxjerrë nga kjo krizë.
“Deri sot, veprimi që e ka goditur më së shumti Republikën e Kosovës kanë qenë sanksionet e BE-së, të cilat na kanë pamundësuar shfrytëzimin e 600 milionë eurove. Por vendimi i Qeverisë Amerikane për pezullimin e Dialogut Strategjik me Kosovën e tejkalon përmasën e atij dëmi. Sot, Albin Kurti i shkaktoi Kosovës plagën më të madhe që dikush ka mundur ta paramendojë. Është e qartë: problemi i Kosovës ka emër dhe mbiemër – Albin Kurti. Si PDK, e kemi të qartë përgjegjësinë tonë. Do të angazhohemi që vendit t’i japim një qeveri që do ta nxjerrë nga kjo krizë”, ka theksuar Tahiri./teve1.info/
