Anëtari i Nismës Socialdemokrate, Artan Nimani, në emisionin “Info Nata” në Tëvë1 ka komentuar zhvillimet e fundit politike dhe çështjen e dërgimit të vazhdueshëm të ngërçeve në Gjykatën Kushtetuese.
Sipas tij, është bërë praktikë e dëmshme që çdo problem politik të përfundojë në Kushtetuese.
“Për krejt këtë situatë që është krijuar në Kuvendin e Kosovës, cili do të jetë vendimi i Gjykatës Kushtetuese, unë mendoj se më nderi dhe më mirë bëjmë që të mos interferojmë në atë proces. Sepse vërtet është bërë monotoni që për çdo gjë, për çdo ngërç politik të shkojmë në Gjykatën Kushtetuese.”
Ai tha se ky institucion nuk duhet të shihet si mjet i pazareve politike.
“Është bërë gjykata si me qenë pazar, dhe secili diçka çka i teket – hajt të shkojë në Gjykatën Kushtetuese. Shpresoj dhe besoj që kësaj radhe deputetët të bëjnë zgjidhje,” u shpreh Nimani.
