Smajlaj në emisionin “Info Nata” në Tëvë1, ka thënë se një prej qasjeve të gabuara që është duke e dëmtuar Qeverinë është që po e krahason punën e vet apo duke u shtyrë në veprimet e veta në bazë të deklaratave të opozitës.
“Një prej qasjeve të gabuara që është duke e dëmtuar qeverinë aktualisht është duke krahasuar punën e vet apo duke u shty në veprimet e veta në bazë të deklaratave të opozitës. I ka ulur bukur shumë standardet apo synimet që i ka vendosur”,tha ai.
Sipas tij, ka qenë një vizitë e tejzgjatur e Kurtit në SHBA, pasi Kosova ka probleme të panumërta brenda.
Ai thotë se Kurti për vizitën në Amerikë nuk ka pasur kontakte me ambasadën e SHBA-së në Prishtinë, që sipas tij, mund ta ndihmonte të ketë më shumë takime në Shtëpinë e Bardhë.
“Në kuadër të kësaj mund të shpjegohet edhe vizita e tej zgjatur në SHBA për faktin që kemi probleme të panumërta brenda por mungon edhe fillimi identifikimit të këtyre problemeve, mirëpo ende duken se nuk janë identifikuar pikat dhe shkaqet e këtyre problemeve, shtoja kësaj edhe problemet në politikën e jashtme. Krahas të gjitha këtyre problemeve një vizitë aq e gjatë jo mirë e organizuar nuk kam parë shumë qe ka pasur kontakte me ambasadën e SHBA-së në Prishtinë që mund ta ndihmonte të ketë më shumë takime në Shtëpinë e Bardhë”, tha Smajlaj. /teve1.info/