Smajlaj ka thënë se këto skandale paraqesin një thyerje të votuesve të 14 shkurtit, pasi ai tha se kauza e Vetêvendosjes për ardhjen në pushtet ka qenë lufta kundër korrupsionit e kundër nepotizmit.
“Këto skandale paraqesin një thyerje të votuesve të 14 shkurtit pikërisht për faktin sepse ka qenë kauza kundër korrupsionit, kundër nepotizmit që e kanë ngrit mbështetjen që dikur e kishte Vetëvendosje të 10% në një përqindje të pashembullt në një sistem elektoral proporcional ku ia doli që t’i mund të gjitha partitë tjera tradicionale, partitë të cilat dikur dolën nga lufta ose nga rezistenca ose partitë të cilat ia dolën edhe të bëjnë të arritura historike”, tha ai në emisionin “Info Nata” në Tëvë1.
Ai thotë se për kundër korrupsion e nepotizëm qytetarët e mbështetën LVV-në më 14 shkurt.
“Pikërisht për këto kauza qytetarët e mbështetën LVV-në dhe kjo ka qenë pritja kryesore që pikërisht kjo parti njëfarë mënyre do të jetë shpresa e fundit që do t’i jap fund korrupsionit”, tha Smaljaj.
Sipas tij, me këto skandale janë të parët votuesit që fyhen sepse nuk e kanë pritur një gjë të tillë.
“Këto skandale të parët që thyhen janë votuesit që nuk e kanë pritur një gjë të tillë. Dhe ajo që është ende më shqetësuese qëndrimeve të fundit pas publikimit të këtyre skandaleve që për mua është një lloj tjetër i korrupsionit. Tendenca për t’i etiketuar mediat se pse i kanë nxjerrë këto skandale. Këto janë gjëra të papranueshme dhe të papritshme”, ka thënë Smajlaj. /teve1.info/
