Në zgjedhjet komunale të 12 tetorit, kandidati i pavarur për kryetar të Drenasit, Ramiz Lladrovci, do të garojë me numrin rendor 101.
Pas shpalljes së shortit nga Komisioni Qendror i Zgjedhjeve, Lladrovci reagoi menjëherë përmes një postimi në rrjetet sociale, ku shprehu bindjen e tij për fitore.
“Nga ‘Adem Jashari’ te helvetikët, me 101 arsye për fitore!”, shkroi ai, duke e konsideruar këtë numër simbolik dhe motivues për fushatën e tij.
Lladrovci, i cili deri më tani ka mbajtur postin e kryetarit të komunës, këtë herë hyn në garë si kandidat i pavarur, duke synuar një mandat të ri në krye të Drenasit.
