Sulmuesi Ermir Rashica ka folur për ndeshjet e Shqipërisë U21 me Gjermaninë dhe Zvicrën.
Shqipëria U21 luan miqësore me Gjermaninë në Elbasan të premten, ndërsa miqësorja me Zvicrën është më 8 shtator në Aarau.
Shqipëria nuk luan në kualifikime për shkak se FSHF-ja e organizon Evropianin 2027 bashkë me Federatën e Futbollit të Serbisë.
“Besoj që të dy ndeshjet do të jenë shumë të forta. Kemi dy kundërshtare shumë të forta si Gjermania dhe Zvicra. Jemi në formë, kemi luajtur në ekipet tona dhe besoj se do të dalim me rezultate pozitive. Objektivi në këto ndeshje është të japim maksimumin. Personalisht shpresoj të shënoj gola dhe të bëj më të mirën për Kombëtaren”, ka thënë Rashica për faqen zyrtare të FSHF-së.
