Tre persona kanë mbetur të lënduar si pasojë e një vetaksidenti mëngjesin e sotëm në rrugën “Adem Jashari” në Prizren.
Kështu ka bërë të ditur për tëvë1.info zëdhënësi i policisë për rajonin e Prizrenit, Shaqir Bytyqi, i cili ka thënë se ngasësi i veturës ka marrë lëndime të rënda, mirëpo gjendja e tij nuk është jashtë rrezikut për jetë.
Bytyqi ka deklaruar se aksidenti ka shkaktuar edhe dëme të mëdha materiale në automjetin e përfshirë.
“Sot, më datë 31.08.2025, rreth orës 05:00 të mëngjesit, në rrugën “Adem Jashari” në Prizren, është raportuar një vetaksident trafiku. Si pasojë e aksidentit, tre persona (ngasësi dhe dy pasagjerë) kanë pësuar lëndime trupore. Ngasësi ka marrë lëndime më të rënda, por sipas informacioneve mjekësore gjendja e tij nuk paraqet rrezik për jetë”.
“Përveç lëndimeve trupore, aksidenti ka shkaktuar dëme të mëdha materiale si në automjetin e përfshirë, ashtu edhe në pronë private dhe publike. Në vendin e ngjarjes kanë dalë menjëherë njësitë e Policisë së Kosovës, Emergjenca dhe Zjarrfikësit, të cilët kanë menaxhuar situatën dhe kanë ndërmarrë të gjitha veprimet e nevojshme ligjore dhe procedurale”, tha Bytyqi./teve1.info/
