Mesfushori Ylber Ramadani nuk do të jetë pjesë e grumbullimit të Kombëtares së Shqipërisë për ndeshjet e shtatorit.
Skuadra e Lecces, të shtunën, ka njoftuar se Ramadani nuk do ti përgjigjet ftesës së Sylvinhos për shkak të një problemi shëndetësor.
Ramadani, luajti të premten mbrëma në humbjen e Lecces ndaj Milanit, por klubi italian një ditë më vonë ka konfirmuar mungesën e mesfushorit.
“US Lecce njofton se futbollisti Ylber Ramadani nuk do t’i përgjigjet thirrjes për në ekipin e tij kombëtar për shkak të një rikthimi të laringopiocelës së majtë”, ka shkruar Lecce në njoftim.
Ramadani ishte pjesë e listës së Sylvinhos të publikuar për dy ndeshjet e shtatorit, miqësoren me Gjibraltarin dhe duelin kualifikues për Botërorin 2026 ndaj Letonisë.
