Real Madrid pritet të shesë të paktën një lojtar të skuadrës së parë gjatë javëve në vijim, pasi formacioni aktual ka arritur kapacitetin maksimal.
Ardhjet e Dean Huijsen, Trent Alexander-Arnold, Franco Mastantuono dhe Alvaro Carreras kanë bërë që trajneri Xabi Alonso të ketë në dispozicion 25 lojtarë të ekipit të parë dhe për këtë arsye, nuk mund të kryhen më transferime pa larguar dikë më parë.
Rodrygo, Ferland Mendy dhe David Alaba janë tre emra me të cilët Real Madridi është i gatshëm të ndahet, ndërkohë që ekzistojnë dyshime edhe për të ardhmen e Dani Ceballos dhe Endrick.
Për më tepër, edhe largimi i Brahim Diaz është një mundësi reale.
Kjo sepse, sipas mediave turke, Fenerbahce ka shprehur interes për të transferuar reprezentuesin e Marokut.
Jose Mourinho, i cili ka drejtuar Real Madridin nga viti 2010 deri në 2013, ka kërkuar personalisht që Brahim t’i bashkohet skuadrës së tij para përfundimit të afatit kalimtar të verës.
Megjithatë, Mourinho dhe Fenerbahce ka gjasa të mbeten me duar bosh në këtë rast, pasi është thuajse e sigurt që Brahim do të qëndrojë në ‘Santiago Bernabeu’ të paktën edhe për një sezon tjetër.
Së fundmi është zbuluar se 25-vjeçari ka arritur marrëveshje për një kontratë të re me klubin, dhe njoftimi zyrtar pritet të vijë në javët e ardhshme.
