Skuadra e Barcelonës ka fituar ndeshjen miqësore ndaj ekipit nga Japonia, Seoul me rezultatin 7:3.
Klubi spanjoll tregoi paraqitje të mirë dhe dominoi gjatë gjithë ndeshjes, gjë që e dëshmon edhe rezultati në fund.
Pjesa e parë, përfundoi me rezultatin 3:2, ku për Barcelonën realizoi Robert Lewandowski dhe Lamine Yamal që shënoi dy herë.
Për Yamalin, këta ishin dy golat e tij të parë me fanellën me numrin 10, të cilën do ta bartë tash e tutje te Barcelona.
Katër golat tjerë, Barcelona i realizoi në pjesën e dytë, me Ferran Torresin që shënoi dy herë, pastaj Andreas Christensen e Gavi që shënuan nga një gol për ta vulosur rezultatin e takimit.
