Sulmuesi i Zvicrës, Dan Ndoye është larguar nga Serie A për të vazhduar karrierën në Premier League të Anglisë.
Ndoye është prezantuar të enjten te Nottingham Foresti, ekip me të cilin ka firmosur kontratë deri në verën e vitit 2030.
Nottinghami për kartonin e 24-vjeçarit i ka paguar Bolognas 45 milionë euro kurse ekipi Italian ka ruajtur edhe 10 për qind të kartonit të tij për shitjen e ardhshme.
Ndoye në dy sezonet e fundit ka luajtur te Bologna, ku në Serie A ka shënuar 9 gola dhe ka bërë 6 asistime në 62 paraqitje.
Gjithashtu, ai ka edhe 3 gola e 22 ndeshje të luajtura për Kombëtaren e Zvicrës.
