Eliminimi i Steaua Bukureshtit nga Shkëndija e Tetovës në raundin e dytë kualifikues të Ligës së Kampionëve nuk është pritur aspak mirë në Rumani.
Steaua i humbi të dyja ndeshjet përballë Shkëndijës me rezultatin e përgjithshëm 3:1 për të avancuar në raundin e tretë kualifikues të Championsit.
Në anën tjetër, Steaua do të vazhdojë garimin evropian në raundin e tretë kualifikues të Ligës së Evropës dhe do të përballet me kampionen e Kosovës, Dritën.
Ndeshja e parë mes Steauas dhe Dritës, luhet javën e ardhshme më 7 gusht në Rumani kurse ajo e kthimit një javë më vonë në Prishtinë.
Pronari i kampionit të Rumanisë, Gigi Becali në një prononcim për mediumet rumune, jo vetëm që ka fyer Shkëndijën por edhe Dritën, të cilën e ka nënçmuar.
Sipas tij, Drita nuk është rivale e denjë për skuadrën e tij, Steaua Bukuresht.
“Nëse Kosovan a eliminon, atëherë ne duhet të largohemi nga futbolli. Kështu, duhet të jetë. Nuk mendoj se ka ekip më të dobët se ky, nuk është asnjë më i dobët”, ka insistuar Becali.
Drita e kaloi me sukses raundin e parë kualifikues të Championsit, përpara se të eliminohet në raundin e dytë nga Copenhageni dhe tani do të paraqitet në raundin e tretë kualfikues të Ligës së Evropës.
