Sulmuesi Armando Sadiku është rikthyer në futbollin zviceran, pasi ka firmosur kontratë me Bellinzonan, ekip që bën gara në kategorinë e dytë.
Sadiku është prezantuar të mërkurën te Bellinzona por që nuk janë dhënë detajet e kontratës mes palëve.
Sadiku te Bellinzona është transferuar si lojtar i lirë pasi muaj më parë i kishte skaduar kontratë me klubin Goa nga India, vend ku ishte transferuar verën e vitit 2023.
Gjatë karrierës, Sadiku ka luajtur edhe në Spanjë, Bolivi, Turqi, Poloni kurse në Zvicër ka bërë karrierë te Lugano, Zurichu, Vaduzi e Locarno.
34-vjeçari ka shënuar edhe 12 gola në 38 paraqitje me Kombëtaren e Shqipërisë.
