Tërnava në emisionin “Info Nata” në Tëvë1, thotë se pjesë e organizimit për mbrojtjen e nxënësve gjatë viteve të 90’ta helmim, ishin edhe Rrustem Mustafa e Naim Fetahu.
“Profesorët dhe drejtori më thanë se tani është një valë e dytë e helmimeve. Ato vetëm ndodhën në mars, por kjo (vala e dytë) ka ndodhur në shtator kur filloi mësimi. Thanë që gjithqysh duhet të bëhen grup me njerëz dhe të mos na gjejnë të papërgatitur. Pjesë e organizimit ka qenë Rrustem Mustafa, Naim Fetahu ishte nxënës”, tha ai.
Ai tha se me Mustafën janë njohur në vitin 1989 përmes demonstratave. Sipas tij, pas kësaj në ndihmë i ka dalë LDK-ja.
“Me Rrustem Mustafën jemi njohur në 89’ën përmes demonstratave. Me Remin kemi biseduar dhe ai më tha që nuk ka problem. Ai e ka pasur detyrë që të informojë për qytet por i kishte edhe shokët e tij. Kjo ka zgjatur 3 muaj dhe menjëherë më kanë dalë në ndihmë LDK-ja. Së pari më ka përkrahur nëndega e fshatit Tërnavës”, tregoi ai. /teve1.info/
