Ditë më parë, presidentja Vjosa Osmani deklaroi se votimi i fshehtë për kryetarin/en e Kuvendit të Kosovës lejohet, por se duhet të ketë konsensus në mes të deputetëve për këtë procedurë të votimit.
Këtë interpretim të Osmanit për vendimin e Kushtetueses, të martën në emisionin “Ditari” në Tëvë1, Hisen Berisha nga Partia Demokratike e Kosovës e ka quajtur skandaloz.
Sipas Berishes, aktgjykimi nuk lë asnjë ekuivok, por udhëzon strikt dhe drejtë ‘thjesht është vullneti politik i atij që e ka shumicën dhe mundësinë ta bëjë ndryshimin dhe ai është Albin Kurti’.
“Interpretimet përtej Gjykatës Kushtetuese tregojnë papërgjegjësi në raport me Kushtetutën dhe kushtetueshmërinë në vend. Nuk guxon të ketë interpretime as nga ana e presidentes. Nuk është e vërtetë ajo çfarë ka thënë presidentja. Aktgjykimi nuk lë asnjë ekuivok, strikt udhëzon drejtë thjesht është vullneti politik i atij që e ka shumicën dhe mundësinë ta bëjë ndryshimin dhe ai është Albin Kurti.. Interpretimi që ia bëri presidentja është skandaloz, nuk tolerohet, nuk është e vërtetë që mund të bëhet marrëveshje, mund të ketë mbi marrëveshje politike gjithçka, por jo për këtë seancë, kjo seancë është strikte e shkruar këtu vetëm nëse ndryshohet rregullorja edhe me kushtetutë pastaj lejohet votim i fshehtë”, ka thënë ai.
