Një mjet i dyshimtë është hasur në një fushë në Prizren të dielën në mbrëmje, ka bërë të ditur Policia e Kosovës në raportin ditor.
Sipas policisë, një person ka raportuar se gjatë qëndrimit në fushë ka vërejtur një mjet të dyshimtë.
Policia thotë se menjëherë pas raportimit, njësitë policore kanë dalë në vendin e ngjarjes dhe kanë siguruar perimetrin.
Në vendngjarje ka intervenuar njësiti për deminim i Forcës së Sigurisë së Kosovës (FSK), i cili ka shpërthyer mjetin në mënyrë të kontrolluar.
“Ankuesi mashkull kosovar ka njoftuar policinë se në fushë ka hasur në një mjet të dyshimtë. Njësia policore ka siguruar vendin e ngjarjes derisa aty ka dalë njësiti për deminim i FSK-së që e ka shpërthyer mjetin në mënyrë të kontrolluar pa ndonjë incident”, thuhet në njoftim./teve1.info/
