Një person i dyshuar për lëndim të lehtë trupor, si dhe për posedim e përdorim të paautorizuar të armës është arrestuar të shtunën në Vushtrri.
Siç bëhet e ditur në raportin e Policisë, i dyshuari pas një mosmarrëveshje rreth transportit të grurit, së bashku edhe me dy persona tjerë kanë sulmuar fizikisht një person duke i shkaktuar lëndime trupore. Gjatë incidentit, i dyshuari thuhet se gjithashtu ka shtënë edhe me armë zjarri.
Viktimës i është ofruar trajtim mjekësor, ndërsa në vendin e ngjarjes janë gjetur dhe konfiskuar një pistoletë me karikator dhe dy gëzhoja.
Me vendim të prokurorit i dyshuari pas intervistimit është dërguar në mbajtje, ndërsa dy të dyshuarit tjerë të përfshirë ende janë arrati.
“Është arrestuar i dyshuari m/k i cili pas një mosmarrëveshje (rreth transportit të grurit) së bashku edhe me dy persona tjerë kanë sulmuar fizikisht viktimën m/k, të cilit i kanë shkaktuar lëndime dhe po ashtu i dyshuari ka shtënë me armë zjarri. Viktimës i është ofruar tretman mjekësor, ndërsa njësitet policore në vendin e ngjarjes kanë gjetur dhe konfiskuar një pistoletë me karikator dhe dy gëzhoja. Me vendim të prokurorit i dyshuari pas intervistimit është dërguar në mbajtje, ndërsa dy të dyshuarit tjerë të përfshirë ende janë arrati. Rasti duke u hetuar”, bëhet e ditur në raportin 24-orësh të PK-së./teve1.info./
