Ai tha se ky rentgen është dhënë donacion nga Ambasada Japoneze dhe sipas tij, përbën problematikë në vete.
Sipas Aliut, ky defekt është shkaktuar qëllimisht.
“Dua ta them jo pse e mendoj unë, por këtë version na kanë dhënë ekspertët. Rentgeni në QKMF në Shtime ka pësuar defekt menjëherë pas ardhjes tonë në pushtet dhe thuhet që është defekt i qëllimshëm njerëzor dhe fatkeqësisht ky është versioni i servisëve që kanë ardhë dhe e kanë pa”, tha ai.
Kurse theksoi se kanë tentuar ta rregullojnë por se sipas tij kjo do të bëhet pasi të kontaktojnë me prodhuesit në Japoni.
“Megjithatë, unë nuk dua të justifikohem. Kemi tentuar çdo ditë ta rregullojmë por për shkak që është një aparaturë e sofistikuar duhet të kontaktojmë vetëm me prodhuesin që është në Japoninë e largët dhe besoj që shumë shpejtë do të rregullohet”, shtoi Aliu.
