Pak ditë pasi shkëputi kontratën me Istanbulsporin, sulmuesi i krahut, Jetmir Topalli është bërë me skuadër të re.
Karrierën do ta vazhdoj në Turqi, pasi të shtunën edhe prezantuar te Bandirmaspor, ekip që bën gara në Ligën e Parë të këtij vendi.
Ai te kjo skuadër është transferuar si lojtar i lirë dhe ka firmosur kontratë trevjeçare, ndërsa pritet të jetë një aset i rëndësishëm për ngjitje në Superligë.
Topalli prej vitit 2020 bën karrierë në Turqi, pasi krahas Istanbulsporit, ka luajtur edhe për Malatyasporin, Manisan e Pendiksporin.
Në Kosovë, Topalli ka qenë pjesë e 2 Korrikut, Vushtrrisë, Feronikelit e Ballkanit kurse si futbollist është zhvilluar në Shkollën e Futbollit “Besëlidhja” nga Prishtina.
Transferimin e Topallit jo vetëm te Bandirmaspori por edhe në Turqi, e ka mundësuar agjencioni “KA Management”.
27-vjeçari ka edhe 6 paraqitje me Kombëtaren e Kosovës, ndërsa sezonin e fundit ka shënuar 2 gola dhe ka bërë 1 asistim në 33 paraqitje në Ligën e Parë turke.
