Tenisti hungarez, i 105-ti në renditjen botërore Marton Fucsovic ka arritur që në dy setet e fundit të përmbys Gael Monfilsin në pozitë të 48-të. Përkundër se francezi që nuk e nisi mirë dhe ra në disavantazh 1-0, u kthye në lojë shpejtë dhe arriti që të kthejë rezultatin në të mirë të tij, 1-2.
Por, dy setet e fundit zgjatën, pasi që hungarezi Fucsovic nuk u dorëzua dhe barazoi setin e katërt me tie-break për të fituar të fundit 6-4 dhe për të kaluar në raundin e tretë të Wimbledonit, me 3-2 (6-4, 1-6, 4-6, 7-6 dhe 6-4).
Në raundin e tretë, Fucsovic që fitoi ndeshjen e sotme pas 3 orësh e 43 minutave, do të ndeshet me numrin dhjetë të botës, amerikanin Ben Shelton.
Përndryshe, Fucsovic është humbës fatlum i këtij Wimbledoni, i cili përkundër që u mposht në finalet kualifikuese të Grand Slamit, përmes shortit ka hyrë në garë. Humbësit fatlum tërhiqen me short, pasi që ndonjëri nga garuesit e Grand Slamit tërhiqet për shkak të ndonjë lëndimi ose sëmundjeje.
