Vetëm në gjashtëmujorin e parë të vitit 2025, Tëvë1 ka arritur rreth 400 milionë shikime në platformat kryesore sociale, Facebook dhe YouTube – një tregues i qartë i ndikimit të fuqishëm dhe besimit që publiku ka krijuar ndaj televizionit tonë.
Për tri vite nga themelimi, Tëvë1 është ngjitur me shpejtësi në listën e televizioneve më të shikuara në rrjetet sociale, falë punës së palodhshme, përkushtimit profesional dhe përmbajtjes cilësore që ofron ekipet tona çdo ditë.
Ajo që e veçon Tëvë1 është llojllojshmëria e materialeve që transmetohen – nga edicionet informative që pasqyrojnë realitetin me saktësi, deri te programet zbavitëse që sjellin freski dhe argëtim për çdo grupmoshë.
Ky sukses është dëshmi se publiku di ta vlerësojë kualitetin, autenticitetin dhe angazhimin në çdo sekondë transmetimi. Tëvë1 vazhdon të rritet bashkë me shikuesit e vetë, duke qenë një dritare e hapur drejt informimit dhe argëtimit bashkëkohor.
Faleminderit për besimin – rrugëtimi vazhdon!
