Shërbimi Korrektues i Kosovës ka bërë të ditur se ka pezulluar nga detyra një zyrtar korrektues, i cili dyshohet se ka shtënë me armë gaz gjatë ushtrimit të detyrës zyrtare.
Sipas SHKK-së, lidhur me këtë rast, janë ndërmarrë veprimet përkatëse dhe rasti është proceduar në Policinë e Kosovës për trajtim të mëtutjeshëm.
Po ashtu, thuhet se janë iniciuar procedura disiplinore ndaj 12 zyrtarëve të tjerë korrektues, të cilët dyshohen se ditë më parë kanë shtënë me armë gjatë një ahengu privat.
“Për këtë rast, jemi në pritje të raportit të Prokurorisë, dhe në përputhje me të, do të ndërmerren masat e nevojshme nga ana jonë”, thuhet në njoftim.
