Denis Villeneuve, regjisori franko-kanadez i nominuar për çmimin Oscar, do të jetë regjisori i filmit të ardhshëm të James Bond, ka njoftuar Amazon MGM Studios.
Regjisori i Dune ka thënë në një deklaratë të lëshuar nga studioja se ai ishte një “fans i flaktë i James Bond” dhe synon të “nderojë traditën” e ekskluzivitetit.
Spekulimet kanë qarkulluar mbi të ardhmen e filmave 007, pasi producentët e James Bond, Barbara Broccoli dhe Michael G Wilson, dhanë dorëheqjen nga rolet e tyre dhe ia dorëzuan kontrollin Amazon në shkurt.
BBC njofton se, Villeneuve do të shërbejë gjithashtu si producent ekzekutiv i filmit të ri, pasi ka marrë vlerësime globale për drejtimin e ekskluzivitetit Dune, si dhe Blade Runner 2049 dhe Arrival.
Amazon nuk dha asnjë të dhënë se cili do të jetë aktori i ardhshëm që do të luajë James Bond në njoftim, pasi Daniel Craig u tërhoq nga roli i tij i fundit.
