Bisedimet midis Ministrit të Jashtëm iranian, Abbas Araghchi dhe homologëve të tij nga Mbretëria e Bashkuar, Franca dhe Gjermania – të njohura si E3 – dhe shefit të politikës së jashtme të Bashkimit Evropian ishin “respektuese dhe serioze” dhe përfshinin pikëpamjet e “të gjitha palëve”, sipas agjencisë shtetërore iraniane të lajmeve IRNA.
Bisedimet zgjatën gati tre orë e gjysmë dhe Araghchi “u angazhua në diskutime dhe negociata në lidhje me dosjen bërthamore të Iranit” me ministrat, sipas IRNA-s.
Araghchi u drejtua për në Hotelin Intercontinental në Gjenevë për takimin pas fjalimit të tij në Këshillin e të Drejtave të Njeriut të Kombeve të Bashkuara, shkruan CNN.
“Në vazhdimin e këtij procesi, disa nga çështjet e ngritura mund të bëhen më të qarta, duke i hapur rrugën diplomacisë”, raportoi IRNA, duke shtuar se vendet e E3 dhe BE-ja ende shpresojnë të “luajnë një rol historik dhe të fitojnë një mundësi tjetër për të avancuar diplomacinë”.
