Me pranga në duar, Gavrilo Milosavleviq u soll në gjykatore.
Ndaj ish gardianit të burgut të Dubravës, pas disa muajve gjykim, të hënën u shpall verdikti për akuzat për krime lufte.
Milosavleviqin, Gjykata Themelore në Prishtinë e liroi nga akuzat.
Sipas aktgjykimit, përgjatë gjykimit nuk është vërtetuar se Milosavleviq kishte marrë pjesë në krimet e kryera në burgun e Dubravës.
Ndaj këtij vendimi të shkallës së parë, Prokuroria Speciale do të ushtrojë ankesë.
Aktakuza e prokurorisë, e ngarkonte ish gardianin serb me përgjegjësi penale për vrasje, rrahje, maltretim e trajtim ç’njerëzor ndaj të burgosurve shqiptarë.
Sipas aktakuzës, Milosavleviq në bashkëkryerje me persona të tjerë, kishin vrarë, rrahur, maltretuat e trajtuar në mënyrë ç’njetëzore dhe mizore ndaj të burgosurve civilë shqiptarë në Dubravë.
