Komisioni për të organizuar votimin e fshehtë për zgjedhjen e kryetarit të Kuvendit, nuk u përkrah nga deputetët.
Me 52 vota për, asnjë kundër dhe asnjë apstenim, Komisioni nuk kaloi.
Të pranishëm në sallë ishin 98 deputetë.
Kryesuesi i seancës konstituive- deputeti më i vjetër, Avni Dehari njoftoi se seanca e radhës mbahet më 13 qershor në orën 11:00.
Ndryshe, seanca e 15 prillit dhe ajo e 17 prillit, u ndërprenë pasi dështoi të votohej Komisionin për verifikimin e kuorumit dhe mandateve.
Por, më 19 prill u votua ky Komision, derisa u betuan edhe deputetët e legjislaturës së nëntë dhe hapën rrugën për zgjedhjen e kryetarit dhe nënkryetarëve. Në atë seancë, kandidatja e partisë fituese, Lëvizja Vetëvendosje, Albulena Haxhiu, në dy votime, dështoi t’i fitojë votat e nevojshme për t’u zgjedhur kryetare e Kuvendit.
